嚟紧2月15号(星期六)下午1时30分至5时30分，18区日夜都缤纷@「贡」享浪漫 情人节迷你音乐会暨嘉年华 将会喺将军澳海滨公园（南梯台）举行。活动由西贡民政事务处主办、将军澳文化康乐中心合办同香港知专设计学院协办。

当日唔单止邀请咗着名歌手现场表演，仲有合家欢嘅艺术工作坊、互动摊位、免费代寄心意明信片服务，仲可以换领心形气球、七彩棉花糖、爆谷，最啱带埋家人朋友嚟一齐玩！而且咁丰富嘅活动係完全免费！大会亦准备咗唔同嘅特色打卡位畀人影相留念，让大家享受一个充满爱与浪漫的周末。