土木工程拓展署会喺3月22日再次举行非常受欢迎嘅东岸板道「#板道Fun享日」，向公众介绍「#共享径」嘅使用守则！活动当日，继续有3重Fun享等住你嚟体验：

第1重Fun享：专业单车教练Fun享➕单车体验

前港队运动员仇多明教练会同大家分享单车基本安全知识，同埋使用共享径嘅守则。现场预备咗单车 畀大家立即体验畅遊东岸板道嘅感觉！立即报名参与单车体验啦！

报名连结： https://forms.gle/qk9zT9jBWcqYBCnY7

第2重Fun享：Fun享宝物小卡

只需要喺活动当日到板道上三个指定位置，学习共享径资讯，以及完成一个遊戏，就可以为小卡上嘅「工程狮」集齐「笑脸」、「单车🚲」、「护具」及「爱心」四个宝物印章，有机会获得小礼物一份！

第3重Fun享：Fun享小舞台

当日有超人气嘅花式跳绳、泡泡及杂耍表演，详情记住密切留意住我哋专页喇！

活动如果因天气不稳而有所改动，大家就要留意我哋喺呢度公布嘅最新资讯喇！