香港嘅乐迷注意啦！百年好合终需一别，呢次係大家最后一次机会，可以亲身感受丹麦独立摇滚经典大团 Mew 嘅现场演出！经过咁多年创造出空灵嘅音乐世界同埋令人难忘嘅旋律，Mew 终于要展开佢哋嘅告别巡演。乐迷们绝对不能错过11月16日于西九自由空间大盒 The Box 举行嘅Farewell Tour香港场。门票将于3月21日香港时间早上10:00于 Ticketflap 公开发售。

Mew 成员自细个就认识同埋一齐玩音乐，1997年以首张大碟《A Triumph For Man》横空出世，Jonas 充满穿透性嘅魔幻歌喉，加上乐队混合前卫摇滚思维嘅冷冽曲风，令当时嘅indie乐迷乐评深感震撼；而奠定 Mew 作为世界级独立摇滚名团地位，则必需要提到2003年推出嘅天碟《Frengers》。副题为《Not Quite Friends But Not Quite Strangers》，Mew 结合「Friend」以及「Stranger」二字，寓意喺佢哋谱写嘅音乐世界中，所有人都係未成为朋友嘅陌生人，日后亦惯常以此称呼一众粉丝。专辑收尾嘅〈Comforting Sounds〉更可谓千禧头十年最具代表性嘅indie史诗神曲之一 —— 由 Jonas 领唱开场，结他、弦乐与合成音效轮番渗透，所有累积压抑嘅情绪直至4分22秒引爆扑面而来，纵使係简单嘅和弦节拍堆疊，仍然足以逐步撕裂你内心所有防线，解封任何被冷藏疏远嘅回忆 —— 继2013年湾仔 The Vine，及2017年九展 Music Zone 后，我哋今个十一月又有机会再一次，亦好有可能係最后一次原汁原味现场感受此曲威力。时隔八戴再次来港公演，同时係乐队临别秋波嘅告别巡演，相信乐队会以最落力嘅舞台演出，同追随多年嘅新旧乐迷一同分享呢个重要时刻，表达谢意，我哋亦带着不捨而雀跃嘅心情，与各位一同期待呢场特别演出！．请勿误信非官方售票渠道

Follow 埋 Timable 演唱会 FB 专页：
https://www.facebook.com/timable.hk.concerts