Update 20/11/2025:
Gin Lee八年磨一剑 红馆show唔知性感底线喺边
大胆战衣震撼 「夏娃造型」同事尖叫全场

等足八年！Gin Lee李幸倪宣佈明年二月七日及八日，于红馆举行一连两场《READY FOR GIN LEE 李幸倪 LIVE IN CONCERT HONG KONG 2026》。昨晚（19日）Gin为传奇Hip Hop组合BLACK EYED PEAS世界巡迴演唱会香港站担任暖场嘉宾。Gin一出场即跳唱《Dum Dum》炒热全场气氛，紧接着的《Diff.》及《喘息空间》，继续令台上台下气氛炽热。一口气唱出三首快歌后，Gin即宣佈明年二月于红馆举行演唱会，全场顿时欢呼声不绝。相隔八年再开红馆show，Gin直言等到颈都长，「等咗好耐，期待咗好耐，终于等到个最好时间同大家红馆见面！」她指今次跟八年前大不同，除了开四面台，心态上亦转变不少，「第一次做红馆紧张到未识享受，今次成长咗、经验多咗，终于可以好好感受同分享音乐世界。」至于演唱会主题「Ready For 」，原来有多重意思，「对我嚟讲呢一场concert係好ready嘅，因为期待咗好长时间，终于等到呢一个时间，所以我嘅心情係好ready，虽然都係会有啲紧张，但係觉得我有信心可以做好，同埋呢个亦都可能係好多fans嘅心声，一路等，听到大家嘅期盼，大家都好ready嚟睇Gin Lee嘅演唱会。」除了自己跟歌迷心境上的「Ready」，亦有更深层的意思，「对已知嘅嘢ready，对未知嘅嘢我都係带住『OK，ready for？yes, I'm ready』嘅信心！」果然是进化版Gin！演唱会海报，Gin以透明盔甲上阵，十分性感。讲到拍摄过程，Gin大笑：「套透明盔甲又重又硬，裏面啲遮遮掩掩全靠造型师即场发挥，我觉得自己好赤裸，只係用小布遮住重要部位！」她又大爆同事反应，「班同事係咁尖叫，仲要係女同事，见到佢哋咁嘅反应都唔知点反应好呀！不过见到大家咁兴奋，都应该係成功啦，哈哈。」至于演唱会上会否比演唱会Poster更大胆，Gin大卖关子，「服饰会试唔同可能性，最紧要係靓。我而家都唔太知条底线喺边啦，全权交俾造型师。」除此之外，最近Gin于《造星》节目表现活跃，网民纷纷改观大讚她「活泼有趣」，Gin开心到见牙唔见眼，「终于有机会俾大家认识多面向嘅我！其实我都有幽默感，只係平时工作展现唔到啫。」佢特别多谢剪接师：「要加个鸡髀俾剪接师，将我最可爱一面剪晒出嚟。」不过她亦温馨提示：「去到后面我都有严厉一面会出现㗎，大家要记住我係好温柔可爱嘅，OK？」

Update 19/11/2025: Gin老师自己公佈咗啦

Update 4/9/2025:
网传Gin Lee会係下年3月或者5月开4场演唱会

----------
收到风喺2018年开过首次红馆演唱会嘅Gin Lee，时隔6年，终于再係红馆开演唱会！！！．请勿误信非官方售票渠道

Follow 埋 Timable 演唱会 FB 专页：
https://www.facebook.com/timable.hk.concerts