为庆祝「法国五月美食荟」呢个以法国美酒佳肴为主题嘅盛大节日， Peak Galleria 山顶广场 3楼观景台将变身为「法国五月美酒与美食市集花园」，将法国美酒美食介绍俾大家！现场仲有唔同嘅靓靓打卡位、表演同埋工作坊，唔使搭13个钟飞机都可以伪遊法国！

活动推介：

花园主题花车打卡位｜充满法式风情嘅大型花艺装置，建议着白色穿搭嚟打卡！

Perrier花园&工作坊｜用Perrier气泡水整特色鸡尾酒，过一个微醺嘅法式假期！仲可以参加Perrier瓶身彩绘工作坊自製艺术品！

法国葡萄酒 & 香槟摊位｜精选超过100款美酒，试饮完锺意仲可以成支买走

鸡尾酒摊位｜每日下午4-6点有调酒师即场调製法式鸡尾酒，仲有用香港品牌「五味杂陈」同Meukow干邑特调款式

美食摊位｜法式三明治Croque Monsieur、黑松露芝士轮意粉、法式烈酒雪糕奶昔...谂起都流晒口水！

工作坊｜创作个人化嘅瓶塞公仔，或者加上花艺设计整得意摆设送俾另一半，够晒浪漫又有心思

现场音乐 ｜每日手风琴演奏揭开序幕，週六有DJ黄志淙博士打碟，週日仲有法国Murphy and the Lawyers乐队演出，充满法式情调