考完DSE又或者揾紧工嘅青年朋友，机会嚟喇！劳工处「展翅青年就业计划」将会举办青年揾工日，专为15至29岁、学歷喺副学位或以下嘅青年而设。当日会有27间公司齐聚现场，涵盖运输、航空服务、零售、饮食及物业管理等行业，提供不同全职及兼职在职培训职位，参与雇主仲会即场招聘及进行面试。计划学员可以即场拍摄见工相，展现你自信专业嘅一面，为你揾工之路添上动力。

「展翅青年就业计划」亦邀请到MC张天赋及吴安仪出席活动，同大家分享佢哋嘅发展事业嘅奋斗经歷同秘诀。计划学员可以优先入场，更有机会直接向嘉宾提问交流，所以大家记得当日早啲嚟登记成为学员，睇吓有无适合你嘅工作，之后再一齐听嘉宾分享啦！另外，活动亦设有就业资讯阁、课程示范及就业讲座，介绍唔同行业嘅特色同适合学员报读嘅培训课程，为你打开通往各行各业嘅大门，唔好错过呀 !