简单说：去年《龙虎巡迴》后好攰，工俩聚头时间甚少，所以本身今年不想多演。目前我俩在蒙特利尔排练同写歌，简单安排加国三城演出。七月返京继续写歌就其他从简，亚洲只会有香港和首尔两场演出。

小故事：话说去年工工工第一次去韩国演出，由当地老牌DIY搞手 @parkdaham 负责，当时佢话因为你地乐队人少，所以想揾个9人乐队帮我地开场。。。其实当我地当时觉得好无稽，唔想开场乐队大声过我地，但人地坚持话揾我地都无得拒绝。结果係，呢队叫 @ureuk_gypsies 우륵과 풍각쟁이들（Ureuk & the Gypsies）既新乐队真係嘈到CLS，但好听亦非常独特。

无后续：一直想介绍 우륵과 풍각쟁이들 卑更多人识，但因为佢地人多，外出演出成本贵，又未有正式出过唱片，好难卑到更多既人知道。今次安排 工工工 返港演出霖左两个礼拜都係觉得，香港既工友应该会钟意佢地，所以都係决定叫埋佢地一齐，变成我地两队两城既小巡迴。

介绍返：우륵과 풍각쟁이들（Ureuk & the Gypsies）来自首尔，係一队揉合韩国传统音乐（Gugak/国乐/국악）既先锋爵士团体。最多既时候会有九人，今次佢地将会以六人阵容首次在韩国以外演出（请鼓掌）。按佢地既讲法：「우륵과 풍각쟁이들 係一个精通 Gugak 和 爵士 既 “双音乐语言“乐队：结构和流向同在、律动和自由并济。自2023年起，우륵과 풍각쟁이들（Ureuk & the Gypsies）低调发佈了几个现场录音，但已经被 Bandcamp Daily 选为当年二月份最佳爵士音乐。http://ureuk.bandcamp.com/

因为要空运6个韩国人来港，机票酒店签证成本有数得计，呼吁大家儘早购票支持，多谢先！

．请勿误信非官方售票渠道

Follow 埋 Timable 演唱会 FB 专页：
https://www.facebook.com/timable.hk.concerts