话说早排有香港唔同大学嘅歷史系不约而同咁联络我哋，话有大批歷史书需要出清，希望可以为呢啲书揾到第二生命。既然係大学歷史系藏书，唔洗问都知会有好多好嘢啦～咁我哋当然二话不说就应承。于是几经筹备（波折），我哋终于准备好喺猎人同狮墨书店俾大家上嚟寻宝！

点解係好Chur市集？两件事：1. 今次总共有大约【1800本书】，有大有细，有厚有薄，净係搬运、标价同鼻敏感都已经折寿不少（但有积阴德，应该），是为筹备Chur。
2. 学者收藏同研究用书，有大路主题，当然都有冷僻题材，好多店长我听到无听过嘅研究，无论你嘅兴趣有几冷僻可能都会喺度揾到宝，是为主题Chur。【主题Highlight】
如果你对以下主题有兴趣，呢次市集你係绝对绝对绝对绝对唔能够错过：潮州研究｜湖南研究｜广州研究
中国经济史｜道教研究｜地方史
地方志书｜企业档案｜民国史料随住下一批藏书陆续送到，我哋都会【不断补书】，所以记得嚟多几次～市集由即日起摆到【9月7号】，喺狮墨同猎人书店都有分别陈列，可以去晒两边！