日本鬼才唱作歌手Kaneko Ayano终于嚟香港啦！ 10月3号（星期五），佢会带住佢嘅完整乐队kanekoayano ，喺 Portal（新蒲岗The Burrow）同大家见面！

呢位日本乐坛近年最破格，乐迷昵称金子小姐嘅摇滚歌手，将会用佢充满诗意嘅歌词、爆发力十足嘅演岀，同乐迷经歷一个难忘嘅夜晚！真假音切换嘅诡谲旋律、暴烈扫弦同温柔呢喃嘅交替，仲有四人编制默契爆棚嘅即兴火花，大家准备好比佢嘅音乐现场炸一下，彼此灵魂共振嘅感觉未！虽然呢个形容已经非常氾滥，但见识过Kaneko现场演出嘅人，应该都会好认同，如果一隻家猫变成一个 indie rock 女歌手出生係日本，应该就係佢咁样嘅模样 – 时而慵懒温柔，时而狂野不羁，完全估佢唔到。上一秒狂妄歪嘴魅惑不屑，下一秒低头顺毛温婉微笑 – 令人完全捉摸不透，帅气同可爱并存嘅反差萌！自2016年推出首张acoustic专辑《hug》同2017年黑胶《Muretachi》以来，Ayano凭住佢把穿透灵魂嘅声线——由惊人嘅广宽音域到招牌煞食嘅低音——俘虏咗无数乐迷。佢嘅作品充满个人色彩，聚焦生活上嘅碎片，从日常嘅「自动贩卖机」「凉被」到疫情中嘅自省，就好似佢自己嘅私密日记。加上丰富嘅编曲，惊人嘅表演张力，令佢迅速累积死忠粉丝，更喺2021年完售日本武道馆！2023年佢更强势回归，连开两场。而家，佢用自己固定班底组成kanekoayano乐队，气势比以往更强！佢哋最近喺Fuji Rock嘅演出震撼全场，好多乐迷纷纷表示係今届最亮眼表演之一！ 继英国巡演三次同澳洲首演后，今次终于杀到香港，你点可以错过？．请勿误信非官方售票渠道Follow 埋 Timable 演唱会 FB 专页：
https://www.facebook.com/timable.hk.concerts