Update 26/8/2025: Most Wanted 梦幻组合压轴登场
11月1日激发全城瞩目拉阔火花

适逢商业电台踏入六十六週年台庆，2025年压轴拉阔音乐会邀得乐坛两位重量级歌手 ——郑秀文及张敬轩，联手打造由叱咤903主办《b.balance呈献 拉阔音乐会Most Wanted 郑秀文x张敬轩》。这个全城「Most Wanted」的梦幻组合，将于11月1日（星期六）首度携手登上拉阔舞台，在亚洲国际博览馆ARENA举行一夜限定的「时空约会」，穿越不同时空，以音乐对话，激发全城瞩目、前所未有的拉阔火花。为配合今次拉阔音乐会的主题「Most Wanted」，郑秀文（Sammi）与张敬轩特别以美国西部牛仔造型拍摄宣传照，拍摄当日二人默契十足，一拍即合。郑秀文对上一次做拉阔已经是2001年，郑秀文未演出先兴奋：「二十四年后再次踏上拉阔舞台，我已经好兴奋，预演紧一啲想唱嘅歌，或者想出现嘅画面。拉阔喺製作、形式同喺红馆或者其他地方开嘅演唱会嘅感觉好唔同，尤其喺舞台上面嘅表达，绝对好唔一样，所以我係非常期待。」今次是二人首度合作的音乐会，郑秀文分享自己「Most Wanted」的拉阔画面：「我哋都係喺生命裡面有经歷嘅人，同时拥有多面向嘅特质，好明白对方，而且轩仔畀到我好多新鲜感，我相信同佢一齐做拉阔嘅感觉会好唔一样，演出会更有深度。成个show唔只得我，亦唔係只有轩仔，呢个係『我们』嘅show，所以我好期待呢个二人成为一体嘅show，希望到时呈现到一加一大于二呢个效果出嚟。」对于今次与Sammi同台演出拉阔，张敬轩直言有中奖感觉：「Sammi係一个Super Star，有机会同一位Legendary Artist合作，好似中奖咁，真係成就解锁。Sammi嘅前瞻性係我嘅Role Model，呢场拉阔音乐会绝对係Once in a Lifetime。我以前每一晚都有追《大头绿衣斗殭尸》，我通常都係颁奖礼或大Show先见到Sammi，离远望，唔够胆同佢讲嘢。第一次真真正正同Sammi讲嘢係做佢演唱会嘉宾，嗰时好开心、好激动。宜家我都仲有呢种紧张，因为佢喺我哋眼中永远都係Diva。」张敬轩亦分享自己「Most Wanted」的拉阔画面：「成件事太好玩，我已经谂紧最想同Sammi唱咩歌，或者最想喺佢面前唱到咩歌，同埋最想同佢喺台上做咩表演，其中一样就係想同Sammi跳舞。」

----------
收到风Sammi 郑秀文同张敬轩呢两位叱吒乐坛嘅巨星，将会係黎紧嘅11月首次携手一齐开演唱会！佢哋对上一次合作係喺Sammi《You & Mi 郑秀文世界巡迴演唱会 香港站》张敬轩作为嘉宾合唱笑忘书。各位fans可以期待一下！．请勿误信非官方售票渠道Follow 埋 Timable 演唱会 FB 专页：
https://www.facebook.com/timable.hk.concerts