乐迷注意！ Men I Trust 将会带住佢哋嘅「Equus Tour」返嚟香港喇

由 2019 年 Clockenflap Presents 带嚟嘅 intimate 专场，到 2023 年 Clockenflap 音乐节上令人难以忘怀嘅演出，Men I Trust 喺我哋心目中总係有个特别嘅位置 而家，佢哋正式宣布将于 2026年1月29日 返嚟香港做专场喇！呢队嚟自加拿大嘅三人组 —— Emma Proulx（主唱、结他）、Jessy Caron（低音结他、结他）同 Dragos Chiriac（键盘）—— 自 2014 年起，佢哋将 Dream Pop、Indie-Funk 融合成梦幻又迷人嘅声音，低调而深刻咁影响住整个独立音乐圈。乐队以一手包办作曲、录音到混音闻名，展现出超越流派界限嘅成熟魅力。无论係充满画面感嘅作品，定係低调而极具感染力嘅现场，佢哋都保持住一贯水准。主唱 Emma 标誌性嘅迷离唱腔，配上令人沉醉嘅旋律，果种优雅、真实而亲密嘅音乐体验，令大量全球乐迷纷纷入坑。2025 年 Men I Trust 推出咗两部曲专辑《Equus Asinus》同《Equus Caballus》，今次嘅「Equus Tour」将会係乐迷第一次，可以亲身喺现场感受《Equus Asinus》（驴）带嚟亲密、充满民谣气息嘅温暖，同埋《Equus Caballus》（马）嗰种更宏大、更富氛围感嘅领域。能够亲眼见证呢两种截然不同嘅又互相紧扣嘅能量喺舞台上点样交织，将会係一次独一无二嘅体验。Clockenflap Presents 好兴奋可以再次将 Men I Trust 带返嚟香港，大家绝对唔可以错过呢场演出啊！．请勿误信非官方售票渠道Follow 埋 Timable 演唱会 FB 专页：
https://www.facebook.com/timable.hk.concerts