为庆祝中华人民共和国成立周年呢个大日子，元朗民政处联同元朗区庆祝中华人民共和国国庆统筹委员会 ，喺区内嘅主要地点展示琳瑯满目嘅布置装饰，包括国旗、区旗、大小型横额、灯柱旗、串旗同户外贴纸装饰等，以增添节庆气氛，同区内居民共贺76周年呢个大日子。

元朗係「城乡共融」嘅多元化社区，区内特色装置一定唔少得传统嘅大型花牌。一如以往，除咗喺元朗六乡乡事委员会办事处一带外，最吸睛嘅当然係元朗民政处大厦对出小花圃前嘅LED灯大型花牌。花牌手工精緻，有龙柱 及孔雀传统吉祥物作为装饰，寓意普天同庆及国运昌隆。大家途经元朗大马路嘅时候，不妨打卡留念，感受一下贺国庆嘅热闹气氛。而为咗迎接咁开心嘅大日子，元朗区将举行一连串精彩嘅活动，同大家开开心心共贺国庆七十六周年。