Update 11/10/2025
今年嘅裸买生活节准备咗唔少精彩活动，希望大家可以喺一个开心愉快嘅气氛下体验裸买乐趣，仲可以学到可持续消费嘅概念！

裸买市集：超过30个裸买摊档，包括个人护理、食品杂货、衣服饰物等等，等你嚟发掘！精彩表演：有精彩音乐、环保乐器、魔术等表演节目一齐感受愉快同热闹气氛！升级工作坊：一共4场免费工作坊，啱哂大人小朋友！包括万圣节造型笔座、红酒塞照片座、蜜蜡布，仲有手部按摩教学！快啲去我哋嘅 Google Form 报名啦！环保教育展览：展示裸买嘅环保知识，由专人带领「裸买生活探索之旅」导赏，等你可以更加了解无包装购买嘅优点同实行方法。免费爆谷／棉花糖：完成小任务同遊戏就可以免费获赠爆谷或棉花糖啦～----------
「裸买生活节」载誉归来！绿领行动诚邀你一齐推动裸买及绿色消费！ 迈进第四届，除咗有裸买市集摊位、绿色工作坊同环保教育展览外，今年仲新增咗精彩表演同摊位遊戏，等大人小朋友都玩得尽兴！档主要有60%或以上产品以「裸卖」形式参与，即唔用任何包装销售，同时我哋亦鼓励顾客自备容器，齐齐为环保出一分力！