RubberBand伙「音乐狂人」侧田西九开演唱会 组大乐队成「音乐盛宴」

香港演唱会一直深受乐迷欢迎，年尾终于爆出另一重磅消息，RubberBand、侧田齐齐开骚，将于12月13日在西九文化区AXA x Wonderland举行音乐会！RubberBand、侧田为同期出道，6号对呢次「合体」非常期待：「我哋识于微时啦，以前又係同公司，好似重回入行的时候，有兴奋嘅心情！因为有两个单位嘅火花，同自己做骚好大分别。十年前我们同公司，有不少机会同台演出，当时我们『入世未深』只顾自己部份，希望今次将侧田融入成为一队大编制的乐队，大家可以随时『转位』表演，呢个就是好玩之处。」6号@RubberBand形容侧田「音乐狂人」，欣赏他对音乐够「坚持」：「他的唱歌技巧、感情是很高阶，他的流行Hit歌是当时的回忆，转眼就二十年，『回忆杀 』相信今次个唱其中一部份。我最想唱他的《Erica》一曲，二十年前第一次以RubberBand身份，改篇呢首歌与侧田合唱，所以好想圆梦再唱多次。」侧田亦表示呢次「合体」机会难得，希望撞出新火花给乐迷惊喜：「其实真係要多谢主办单位嘅牵线，我同RubberBand识咗好耐，以前都係同公司，但一齐开show真係未试过，所以今次有机会合作，真係好难得。我好珍惜呢次机会，希望同佢哋撞出啲新火花，带俾到观众一个惊喜。」佢表示Cross Over感觉新鲜，预期观众应该锺意呢次演唱会：「我其实锺意佢哋好多歌！我都想唱多啲励志嘅歌，带多少少Gospel风格。我哋将会融合成一队band，等于呢队band多了一个主唱及和声。」长居海外嘅侧田表示，会返香港练歌，务求最佳状态演出：「綵排我一定会返香港！现场一齐夹先至最有火花，所以点都会返嚟一齐练。其实我哋都係Mark Lui带入行，音乐路上行嘅方向都好相似，加上都试过同公司，所以感觉上会特别夹。」．请勿误信非官方售票渠道Follow 埋 Timable 演唱会 FB 专页：
https://www.facebook.com/timable.hk.concerts