音乐剧社区推广计划

音乐剧普及讲座及演出示范
沙沙返嚟油尖旺喇！

演戏家族喺2021-2024年度「十八有艺——飞越桐油的油尖旺」计划曾经演出音乐剧《当家猫遇上猫》，讲述家猫沙沙同主人失散，喺油尖旺遇上唔同嘅猫，揾路返屋企嘅故事。演出大受欢迎，「油尖旺街角存希望」嘅歌词更唱遍油尖旺区！ 猫猫沙沙同阿角今次终于返嚟屋企同大家再见面喇！今次演戏家族为油尖旺街坊带嚟 3 场「音乐剧社区推广计划——音乐剧普及讲座及演出示范」， 演戏家族驻团作词家唐家颖 (Serena) 将会同大家讲解音乐剧嘅知识，等各位大人、小朋友都可认识多啲音乐剧哩种咁精彩嘅表演艺术！除咗可以识多啲之外，仲有演员现场演绎音乐剧《当家猫遇上猫》嘅歌曲，大家可以现场亲身感受音乐剧嘅独特魅力，同重温《当家猫遇上猫》带嚟嘅感动！11月21日场次更会同场举办《2021-2024年 飞越桐油的油尖旺计划——结集》（暂名）嘅发佈会，结集回顾、总结咗演戏家族 3 年嚟喺油尖旺区举办过嘅活动，仲有各位参加者、导师嘅感想，同埋音乐剧《当家猫遇上猫》嘅剧本同乐谱，非常有纪念价值！