今年係港岛径啟用40周年，大家想唔想为港岛径出一分力？今个星期六（10月18日）一齐嚟港岛径(第一段)，帮手搬维修山径嘅物料！

我哋诚邀精力充沛嘅山友，星期六行过路过太平山港岛径(第一段)，可以去夏力道嘅物料存取处，帮手拎1至2公斤维修山径嘅物料，行山去H007至H009标距柱之间嘅三个卸下处放低，之后嘅山径维修活动就有得用。物料存取处同卸下处都有清楚标示，唔使担心揾唔到！港岛径(第一段)嘅风景靓，景点多，上星期介绍嘅松林砲台都喺活动地点附近，大家记得约埋朋友仔一齐嚟行山帮手搬啦！唔该晒！*活动以自助形式进行，需要「帮手搬」的物料于星期六早上八点前已放置于存取处。当物料全部运送完毕活动亦即结束。