全新「QK POST巡迴展—『理』最识食」喺铜锣湾时代广场正式登场啦！

讲起香港嘅特色美食，大家第一时间会谂起边款？係金黄香脆嘅菠萝包、香浓幼滑嘅奶茶、定係弹牙鲜味嘅鱼蛋？要炮製呢啲地道美食，除咗靠师傅嘅手艺，更要掌握当中嘅科学祕密！「QK POST巡迴展—『理』最识食」以香港特色美食为主题，带你从科学角度拆解食物嘅製作过程，睇下唔同嘅化学反应同微生物作用，点样影响食物嘅口感、气味同风味，让你了解每一啖滋味背后嘅奥祕！展览由即日起至明年2月，会陆续巡迴到唔同地区，话唔定好快就嚟到你附近！之后几站仲会有假日限定嘅手作活动，大家可以亲手製作同展览相关嘅纪念品，边玩边学更多有趣科学知识！想知我哋下一站去边？记得密切留意科学推广组嘅社交媒体同网页啦！