四个街渡码头，共同组成一个羣岛

今次好肯定！船到桥头生活节返嚟喇！2026年11月，我哋将会有第三届生活节。

​

今届生活节想讲一个岛民一早就知嘅事：跨岛地区唔只係地图上几个分开嘅点，而係一个彼此连结嘅羣岛。渡轮、潮汐，仲有人、物产、信仰、仪式同想法嘅流动，一直塑造住呢片地方。

喺「城市」出现之前，呢啲岛屿已经形成一个自给自足、互相依靠嘅世界。到今日，呢种连结依然存在——喺一次又一次嘅船程裡面，喺资源同习俗嘅交流之中，亦係岛屿生活特有嘅节奏同空间感入面。

2026年船到桥头生活节想邀请大家一齐重新用「羣岛」嘅角度去睇呢几个离岛——流动、亲密、共生。如果我哋唔再将离岛视为城市嘅边缘，而係一个独立于城市、连成一体、仍然生长紧嘅地方，又会睇到啲咩新可能？

由长洲、芝麻湾、梅窝到坪洲，一齐加入呢个由海带住我哋走嘅故事。