平时将军澳街坊习惯係 Facbeook group 交流换物，今次开将希望提供实体平台俾家庭档主以换物方式，同陌生人交流，过程中探索价值嘅概念

20组家庭档、分2轮开市，经过开将嘅你，要来参与呢场换物派对喔！

小编早前问咗家庭档主们，边件物品对你哋嚟讲最有价值呢？大家都分享唔少物件背后嘅纪念价值、情感价值、难忘故事！过嚟同佢哋倾吓、玩吓、帮衬帮衬！

交换玩法好简单，你可以选择：

1.以物易物

欢迎你用随身物品同档主现场交换！档主可以用自己啲货同其他档主交换，直到你换到最想要嘅宝藏！

2.金钱交易

有部份宝物係有定价架！不妨同档主讲吓价，睇吓有无机会购入镇店之宝！

3.运用创意货币

如果你手上无钱钱、无物件交换都无紧要！你可以试试用创意货币作为交换筹码（即係技能、故事、经验、时间，呢啲全部都有价值架！）

唱一首歌 、讲一个秘密俾档主知

介绍将军澳好好味既餐厅俾档主 、陪对方係公园玩10分钟

只要双方同意，你就可以达成交易啦～

✮ 换物派对帽子製作 x 童心随画将军澳 ✮
盲绘小练习（Blind-drawing) | 派对帽 DIY | 开将外墙随心画 (插画家在场！)
时间：16:45 - 17:45
地点：开将舖内假草皮
名额：8-10位小朋友（无须登记，即场参与）