红白蓝回忆杀袭港！ 西沙GO PARK变身巨型怀旧遊乐场！嚟紧喺西沙GO PARK将会举办大型接力跑步比赛暨嘉年华活动，除咗毅力12爱心跑之外，现场仲设置咗多个结合怀旧与现代嘅运动挑战及活动摊位，一边玩尽集体回忆Games，一边做运动！

1.【追车一族「赶地铁」】
现场还原车厢场景，将经典遊戏争凳仔升级做赶地铁版！当听到广播，大家就要随时准备；一听到「嘟嘟嘟」关门声，就要即刻爆发衝入车厢霸位！

2.【巨型健身飞行棋 】
飞行棋可能由细玩到大，今次嘉年华出咗8米x8米嘅飞行器plus版，等你挑战！ 呢度唔止靠运气掷骰仔，行中地雷格仔仲要罚做Burpees同Sit-ups！快啲约埋班Friend嚟玩，睇下边个运气最好、体能最Fit啦！

3.【狗狗同乐跑 】
专为毛孩设置嘅放电嘉年华！带埋毛孩去西沙GO PARK嘅800米人宠同乐跑，同毛孩一齐衝线！现场仲有狗狗瑜伽同障碍赛 ，一次过满足晒跑步、伸展同玩乐三个愿望，快啲带毛孩嚟识多几个新Friend！

同场加映：怀旧遊戏大召集！ 西瓜波神射手、踢毽入飞机榄、抓子只是前菜！现场仲有大量摊位遊戏等你玩！玩完记得去埋小巴牌打卡墙 影返张靓相，仲有丰富礼物同纪念品等紧大家！