冯颖琪（Vicky Fung）一手包办曲词兼主唱的新作《来回》重磅登场！酝酿五年，以全新形象回归，并记录内在的成长与进化之作，她不再是镁光灯下的艺术家、音乐监製、经理人与创作人，而是更轻盈与自在的冯颖琪！

多年来，Vicky 以独特的个人风格，推动着本地音乐与艺术文化，在大众眼中的她专业且有个性，其实她与所有人一样，也是别人的女儿、母亲，一个女人的身份。《彳亍》是众多作品中冯颖琪最喜爱的代表作，她一直问自己：「彳亍之后，然后怎样？」期间仍然写歌、仍然创作的她，蓦然发现自己背负着很多角色，却甚少回到自己。

冯颖琪打造全新形象为年度企划揭幕：「原来只要放下一啲执着...都可以生成一啲比原来更多、更好嘅可能性。」

直到两、三年前，Vicky重新走进校园修读硕士学位，再到英国深造，更获得Coaching（导引学）资格成为人生导师：「喺学习入面，我重新了解自己锺意啲乜、我想做咩人、我想做嘅艺术係咩，亦都发现咗自己有好多恐惧，惊人哋唔明白、唔理解。我明白到，原来只要放下一啲执着，坦诚去让人了解我嘅想法，唔执着于点样嘅结果，容许所有嘢发生，都可以生成一啲比原来更多、更好嘅可能性。所以无论喺形象、音乐而至我所有创作出嚟嘅嘢，都係用紧呢个基础，所以Coaching喺呢件事上面，扮演咗好重要嘅角色。」

Coaching带给Vicky的，远远不止一个专业资格，更重要是学会聆听别人：「嗰时我先意识到，一直以来，我哋以为自己听咗，其实未必真係聆听对方，好多时只係将自己觉得点，我嘅意见、想法，好似为咗对方好，好快衝出嚟畀建议，但係Coaching係必须要好好聆听再提问，一个适合嘅问题，可以帮对方打开更多嘅门。」

 

为了与乐迷分享这个发掘自己的过程，Vicky 卸下以往「斯文正经」的形象，剪了带点清爽又有个性的短髮、穿上宽鬆自在的飘逸长裙，拍下全新的造型照。音乐方面，新作《来回》不再沿用既有的方式呈现，而是一条视觉化片段（Visualizer）：「佢唔似一个平常有故事性嘅MV，我想大家享受呢首歌嘅同时，面前有一个可以让佢哋进入思考嘅一个空间，回忆人生走咗边段路，呢个旅程又有咩值得去回味，亦都可以提醒自己，原来已经成长咗。」

Vicky 日前（1日）于西九文化区戏曲中心举办『非线性对话』之「来来回回听来回」活动，更邀请同样已获得Coaching资格的谢茜嘉当嘉宾，亲身引导乐迷：「呢次係用Coaching嘅引导方式，同大家分享《来回》嘅同时，感受吓自己，好开心睇到大家嘅分享，每个人都好投入。」

赴宜兰製作新歌后遇失声令录音推迟  将推出筹备五年黑胶碟专辑《觉色》及西九音乐会

新歌《来回》是她今年整个计划中的开端，Vicky说：「我会造一隻黑胶碟专辑《觉色》，当中会收录我呢五年创作嘅音乐，嗰时有啲录咗但未出街嘅。」Vicky整个企划也是「非线性」发展，去年5月已经开始筹备，已经在英国灌录了几首歌，也已经在阿姆斯特丹拍摄唱片封套照片，到了9月终于落实在宜兰录《来回》。「我仲邀请咗一位巴黎艺术家朋友专程为画黑胶封套封面，连album cover都係来来回回倾咗起码9个月，成个Album有好多细节位。」她透露去年年底失声两个月，延迟了录音的部分：「而家已经完成晒，预计专辑三、四月会正式预售，啱啱仲推出咗《觉色大盒》早鸟Package畀大家，当中最正嘅应该係...我可以为大家写歌嘅package，呢个package得一个名额㗎咋，仲有我一对一Coaching嘅选项！当然唔少得有《觉色》音乐会门票、黑胶碟，亦都有专辑封面限量艺术书籤套装、《来回》袜，同埋由我develop嘅『觉骰』self-care 对话遊戏等。」

Vicky 预告今年5月3日将举行个人音乐会，脱胎换骨，与乐迷共享一场深刻的音乐之旅。

．请勿误信非官方售票渠道

Follow 埋 Timable 演唱会 FB 专页：
https://www.facebook.com/timable.hk.concerts