Update 3/4/2026:

ToNick 5.1 玩转 AXA Wonderland 变身「暖男洗碗机」解构男人浪漫

阔别香港专场舞台超过两年，人气乐队 ToNick 终于宣佈回归！今次佢哋拣喺5 月 1 日劳动节开骚，于Backyard @ AXA Wonderland举行《Backyard Live: ToNick 我是你的洗碗机》音乐会。今次唔止係一场户外 Band Show，ToNick 四子更决定将演艺圈最神祕嘅「后台禁区」搬上台，邀请全场观众一齐参与「开骚拜神仪式」，将现场变成大型「自己人」屋企派对

从愤怒 Band 仔进化「暖男洗碗机」：见证 ToNick 成长路

自 2024 年九展演唱会后，ToNick 虽然一直有喺各大音乐节见大家，但乐迷最恨嘅始终係近距离接触。等咗两年几，呢班曾经满腔热血嘅「Band 仔」已经踏入人生新阶段，由「愤怒」变做「爱惜」。今次演唱会主题《我是你的洗碗机》，正正係 ToNick 四位成员（恒仔、小龟、Ryan、晨曦）步入「成熟男」嘅心声：「今次嘅主题係讲男女关係，有好多人就算变到阿伯都唔识得同另一半相处，成日吵吵闹闹又或者不瞅不睬。点成熟地处理关係并不在于年纪，而係在于心态。到时入场睇吓我哋有乜分享啦！其实ToNick都冇咩大改变，都会keep住做音乐出show、同其他单位合作。我哋同fans互相睇住对方成长，依家同佢哋沟通嘅方法亦都唔同咗，唔一定净係show先见面，可以平时都互相关心吓！」

ToNick「某成员」笑言男人去到某个年纪，最重要係识得「既来之，则安之」，只要另一半开心，屋企就快乐，世界就和平。所以我哋已经做好洗碗抹地、任劳任怨嘅觉悟。

Backyard 新模式「超近距离」：只限一千人同步用爱发电

今次 ToNick 再度选址 AXA Wonderland，但就玩转新花样，利用 Backyard 呢个全新场地模式，务求拉近同大家嘅距离。现场空间特别强调「Homey」同「亲密感」，仅仅开放 1,000 个名额，令台上下可以真正做到「零距离」互动。

ToNick 兴奋指：「我哋嚟过呢到好多次，但今次想透过 Backyard 模式玩啲唔同嘅嘢，想同一千人一齐用『爱』发电，玩爆个场！」

除了场地革新，今次最爆嘅 point 莫过于「全场拜神仪式」。

平时净係得 Artist 同 Crew 先可以参与嘅开骚传统，今次竟然邀请埋观众参与，届时会有充满仪式感嘅切烧猪环节。最令乐迷惊喜嘅係 VIP 门票福利，除咗有签名海报同合照，仲会获赠极具创意嘅小礼包（围裙及抹手巾），最夸张嘅係竟然包含「拜神烧猪一客」，令唔少网民大嗌：「真係当正大家係自己人，成件事好暖！」

---------

成熟嘅男人开始明白世界运作嘅方式，所以会知道「既来之，则安之」嘅道理。
只有另一伴快乐，家庭先会快乐，世界先会快乐。所以我哋已经做好洗碗抹地，任劳任怨嘅觉悟。
因为爱，我愿意做你嘅洗碗机。

今年 5 月 1 号，ToNick 带住 《Backyard Live: ToNick 我是你的洗碗机》
嚟到 Backyard @ AXA Wonderland，同大家开一个特别近、特别暖、特别有「自己人」感觉嘅 show。呢一晚，献俾每一个为爱付出、为屋企出力、表面口硬，内心其实好暖嘅你。今次唔止係睇演出咁简单。
我哋想邀请大家一齐行近啲、再近啲——
喺开 show 前，同 ToNick 一齐参与拜神仪式，仲会有充满仪式感嘅 切烧猪环节。
平时只属于 artist 同 crew 嘅开 show tradition，今次想同你哋一齐分享。AXA Wonderland 我哋都嚟过好多次。今次再选址呢到希望可以透过Backyard呢个新嘅场地模式再拉近同大家嘅距离，同一千人一齐用「爱」发电，玩爆个场！

VIP 专享：
・VIP Zone
・VIP 小礼包（围裙 & 抹手巾）
・1:1 合影
・签名海报
・拜神烧猪一客

．请勿误信非官方售票渠道

Follow 埋 Timable 演唱会 FB 专页：
https://www.facebook.com/timable.hk.concerts