一晚，两种声音。
从下午，穿梭到夜晚。

一场专属于这个夏天的现场，
一段，与你只隔几步的现场。

组合 PER SE 将与 特邀嘉宾 晚安莉莉 于 6 月 27 日开骚，假座于 Backyard @ AXA WONDERLAND 举行《Backyard Live: PER SE NIGHTTIME POEMS FEATURING 晚安莉莉》，PER SE 未开骚先兴奋准备，仲讲明弹足成日，希望 Fans 听完够晒 Chill：「今次畀观众其中一个惊喜就会係我哋有一首新歌推出！以依家计划嚟讲，应该係先演唱、再派歌，所以到时嚟嘅观众应该係『宇宙第一次』听呢首歌，同埋始终都係两队 band 嘅 show 一定会有惊喜。」

PER SE 就非常贴心提醒乐迷饮够水先入场，做足防晒准备享受初夏音乐盛宴：「做户外 show 最劲就係有风景睇，同埋音乐声会自然好多。咁呀我哋弹弹吓见到日落、入黑，再入到 night time！」今次 PER SE 开骚更邀请晚安莉莉做嘉宾，PER SE 就话大家都锺意日本音乐，台上表演时会更有感觉：「到底我哋会唔会合唱或者 cover，咁真係要嚟睇先知喇。我哋对呢件事都非常之认真，唔会就咁你弹你、我弹我咁样个状态啦。同埋今次难得係一个户外 show 啦，我哋都特别设计咗一个歌单係啱 outdoor 听。」