Update 8/6/2026:

好消息！我哋决定加开一场！

由香港太空馆同电影节目办事处联合策划嘅三场「夏日亲子电影节」球幕电影同映后活动，门票一开售就火速售罄为答谢大家嘅热烈支持，我哋特别加开一场！门票将于6月16日（星期二）上午10点喺城市售票网发售，记得校定闹钟喇

----------

今个暑假，一于同猫咪们组队，探索太空站！

香港太空馆今年再次联同电影节目办事处策划「夏日亲子电影节」球幕电影同映后活动，继续为大朋友同小朋友带嚟开心刺激嘅晚上。

第一站，大家会喺天象厅欣赏球幕电影《机智猫漫遊太空站》。一齐跟住猫咪们同佢哋嘅新朋友，登上废弃嘅太空站探险。佢哋仲会遇到一个被遗下嘅AI机械人。究竟大家可唔可以活用科学知识，完成任务，帮助机械人达成梦想呢？

睇完球幕电影之后，大家会去演讲厅参加映后活动「漫遊太空站」。太空馆助理馆长会用简单有趣嘅方式，同各位一齐探索太空站嘅科学奥祕。座位有限，快啲买飞喇！