【#timable睇电影】观看《花腐》了解粉红电影 日本风靡一时软性情色电影 扣人心弦之作

「粉红电影」出现于60、70年代日本，係一种含有情色或软性色情成份嘅日本成人电影，当中会大量出现裸体镜头，几乎每10分钟会有一次床戏，但当时日本电影审查机构非常严格，禁止喺电影中出现生殖器或正面全裸嘅镜头，所以导演必须巧妙运用镜头同借位嘅方式，喺无发生性爱嘅情况下，最大程度模拟性爱嘅真实场景。

除咗要避过审查，製作公司冇足够资金于后期製作为裸露镜头打格仔亦係拍摄粉红电影嘅其中一个原因。当时（60年代）日本电影界基本被五大製片公司（东宝、大映、松竹、东映、日活）所垄断，规模较细嘅公司为咗突围，而选择製作成本低廉，又容易得到市场支持嘅粉红电影。

由于粉红电影创作自由度高，所以可以喺电影中加入天马行空嘅谂法，每一部作品你都可以睇到唔同导演嘅特色，唔少人都认为依种先係粉红电影最有趣嘅地方。所以比起真真正正含有真实性交场面嘅日本成人影片（AV），粉红电影反而係一种偏向软性色情嘅艺术片。低成本而高水准嘅拍摄令粉红电影有逾十年嘅辉煌时期，唔单只数量佔整个日本国内电影数量一半以上，仅仅喺日本东京就已经有约500家成人影院播放粉红电影。

然而，于80年代以后，粉红电影因 AV 盛行而流失许多观众，最终亦走向没落。

日本电影《花腐》正讲述一位导演、一位编剧及一位演员处于粉红电影日渐黯淡时期嘅故事。电影中嘅九谷导演 (绫野刚 饰) 失业接近五年，突然收到其同居女演员桐冈祥子 (佐藤穗奈美 饰) 同挚友嘅死讯，但九谷一直解唔开两位突然自杀嘅原因。喺机缘巧合下，九谷遇上色情片编剧伊关 (柄本佑 饰)。两位终雨中诉说各自失恋嘅经验，发现对方除咗同自己惺惺相惜外，原来共通点亦比想像中更多。到底咩係艺术？咩係色情呢？

小T 于8月28日睇完《花腐》优先场，除咗对身为创作者嘅辛酸产生共鸣之外，更加想讚叹日本一如以往唯美嘅画面。导演荒井晴彦受粉红电影滋养，佢将人类身躯之美态以画面毫无保留地传达比银幕前嘅观众，荒井运用镜头将含大量情感讯息嘅场景设置、人物表情及动作传达比观众，绝对係扣人心弦之作。而小T 最爱嘅镜头必定係九谷导演、九谷导演嘅挚友同桐冈女演员桐冈于 K房 唱山口百惠《再见的彼端》嘅场面，依首歌亦係张国荣经典名曲《风继续吹》嘅原曲，除咗歌词呼应主角们嘅心境，三位于画面嘅目光同姿态动作亦非常有趣：挚友于画面左方倾慕地望住正高歌嘅桐冈女演员；桐冈站于画面右方战兢地双手捧住咪高峰却目光坚定望向前方；九谷导演虽位于画面中央但瑟缩地低着头。三位演员嘅内心世界喺依幕鲜明地表现出嚟，对比强烈，令电影脉络更清晰。

「每逢春临者，卯花伤而腐。」即使再有生命力嘅卯花都会不敌春雨辗压而腐烂，人也如是。若然你处于一个百感交集嘅迷惘时期，或许你可以透过依部电视为你嘅情绪揾个出口，但前提係你锺意节奏极慢、以画面讲故事、不时讲经嘅日本电影。

电影于9月12日正式上映

电影资料

导演：荒井晴彦

演出：绫野刚、柄本佑、佐藤穗奈美

片长：137分钟

级别：III

语言：日语 (中英文字幕)

院线：百老汇电影中心