時光若能倒流,就讓我們一起懷舊! 海洋公園傾情打造的全新景區「香港老大街」,將50至70年代絕跡風貌呈現眼前,讓你和我走進時光隧道,重遊充滿人情味的舊街和店舖,登上120號老爺電車,逐一品嚐經典港式小吃,更有各款似曾相識的懷舊精品,抱擁香港人的集體回憶。 =====扮窮車伕推景點 盛智文做鬚根騷===== 盛智文貴為海洋公園主席，每次公園推新景點，佢瞓身扮鬼扮馬落足力宣傳，維肖維妙，一定唔會令記者同攝影師失望。昨日，公園以五、六十年代老香港作藍圖的「香港老大街」開幕，搞鬼主席又出動，拉住架人力車出場扮車伕，塊面搽到灰灰黑黑咁扮鬚根，遠睇仲以為係污糟咗，完全豁出去，一心「做好呢份工」。 尋日天氣得十五度左右，雖然主席為咗扮車伕無得着大褸，但Kelly摸咗兩吓主席件車伕外套，一摸就知係靚嘢啦，質地好柔軟，簡直滑如絲，應該保溫功能都唔錯，兼且佢拉住架車出場，都算做咗幾吓運動，所以佢自己都話唔凍。 http://news.hkheadline.com/dailynews/headline_news_detail_columnist.asp?id=183367§ion_name=wtt&kw=0