2010年8月23日，一個港人永遠不會遺忘的日子，當日在馬尼拉黎剎公園發生的每一幕，至今仍深深烙在港人腦中，但兩年時間即將過去，公義仍未得到彰顯。一直堅持為胞弟謝廷駿(Masa)追討責任的謝志堅慨嘆，這條尋求公義的道路既孤獨又漫長，但為了至親，他直言沒有妥協的餘地，目前盼與特首梁振英會面，由他出面向菲律賓追討。 慘劇發生近兩年，謝志堅形容一家人的心情經已完全平伏，特別是慘劇後終日以淚洗面的謝媽媽，「依家有Masa生前買嘅狗日日陪住佢，屋企都有擺Masa嘅遺照……嚟緊媽媽都會去土耳其出席親友婚禮。」不過，謝志堅透露，今年不會再舉家到馬尼拉悼念胞弟，「上年純粹係做路祭，去拜一拜，今年再去其實冇咩大意思」，但強調若菲律賓方面有任何重要消息，仍會即時飛往當地跟進。 公義未尋絕不停低 試過發動市民聯署，也曾去信要求中央介入，最近更為法援申請被拒而上訴，謝志堅兩年來雖四處奔走，卻換來一次又一次碰釘。有人說他執著，勸他停下來重新生活，謝志堅卻不以為然，「如果呢件事都可以不了了之，咁第時再有香港人出事，俗啲講句，搵鬼理你咩……兩年前錯嘅事，無理由兩年後變成啱嘛，變相我咪默許呢件事發生？」謝志堅再三強調，「我哋唔係要求阿基諾落台，唔係要你賠十億百億，只係要求佢喺法律層面上做番應有嘅嘢。」 不滿政府開空頭支票 去年10月底，謝廷駿、梁錦榮及傅卓仁3名捨身救人的英雄，獲特區政府追授「金英勇勳章」，並獲政府承諾在能力範圍內提供協助。然而，7月換屆至今，始終未有一位高層官員接觸過謝志堅。他不諱言，政府根本與開出一張空頭支票無異，「兩年前如果政府話唔會幫我哋班家屬，肯定好多人出嚟鬧，但係兩年之後，事實又真係咁……」面對這個矛盾，謝志堅稱，作為普通市民，只能無奈接受，但他不禁反問一聲，「如果換轉係官員仔女，係咪翻轉菲律賓都似」。 至於一直義務協助家屬追討的律師涂謹申，亦曾當面向特首梁振英轉達謝志堅的會面要求，但至今個多月仍未有回音，「肯唔肯見都未覆」。謝志堅指，若有機會與梁振英會面，會毫不猶豫要求他出面協助追討責任，「好過我哋不斷去摸，拖住阿媽走埋去菲律賓，周圍搵律師……我哋作用好細，可能做完都係得個桔。」他強調，行政長官要做一件事，絕對比普通市民有能力得多。 不贊同取消黑色外遊警示 對於保安局一直向菲律賓發出黑色外遊警示，謝志堅坦言不能因家屬私利，而要求政府無了期維持下去，但個人絕不贊成取消，「當人命傷亡之後，呢個國家都唔需要負任何責任，依個地方本身已經好危險，所以我覺得香港人去真係搵命搏……全世界都望到佢哋有責任，但到而家兩年，佢哋係完全唔需要理會，唔通個黑色外遊警示仲唔夠黑咩？」他不諱言，當地官員一日未問責，慘劇都有機會歷史重演。 文: 賴銘傑 圖: 林振東 資料來源: AM730 http://www.am730.com.hk/article.php?article=116412