大大塊波板糖 軟稔稔嘅粉紅色棉花糖 多到數唔哂嘅星星 能飛到不同星球嘅紙飛機 有冇諗過自己可以回到童年，重溫一下兒時既夢想呢? 而家唔洗搭時空穿梭機，都可以享受一下童年嘅樂趣! 藝術學會將會把大家嘅童年帶到理工大學裏面! 「 藝術嘉年華―「童夢」係由香港理工大學學生會藝術學會與多位本地藝術家攜手編織嘅童年夢想世界。 多位本地藝術家，包括: Kacey Wong、Kila Cheung、Miss FAT、Terence Choi、Justin Chow、Angryangry、Winnie siu davies、Corn Ho、Manfred Yuen、Carl Eng及Kenneth Kwan將會展出精彩絕倫嘅作品。 由木板畫、插畫，到雕塑及裝置藝術，「童夢」將會俾大家一個與別不同嘅藝術體驗。 除咗視覺上嘅體驗，「童夢」重有各式各樣嘅藝術提供免費試玩，包括: 圖像移印布袋技術、3D printing 技術、3D 立體筆、烙畫及人像速畫等。 咁難得嘅機會，你又點可以錯過呢?