講乜鬼？ 廣東話博大精深，一個「鬼」字包含多重意思，唔同用法有唔同意思。「鬼」字解「鬼魂」，七月「鬼節」、十月"哈佬喂"去蘭桂坊「扮鬼」，港女「揍鬼」。香港人叫西人做「鬼佬」，政府喜歡請「鬼佬」做顧問專家。政府架構係「畫鬼腳」，互相卸責。高官言語偽術「鬼話連篇」，講大話「呃鬼食豆腐」。政黨「鬼打鬼」。議員扮鬼佬「鬼聲鬼氣」講「爛鬼」On On 英文。政府宣傳源頭減廢「大嘥鬼」，起西九使咁鬼多錢先至係「大嘥鬼」。「把鬼」郵輪碼頭漏水無船肯泊。市民鬧大業主地主係「吸血鬼」亂加租呃尺賺盡血汗錢。小販見到專蝦老人家嘅小販管理隊大嗌「走鬼」。大陸旅客車廂飲食周街方便，引起途人罵戰「鬼煞咁嘈」。香港咁鬼亂，咁鬼多好笑嘢，咁鬼多嘢可以鬧，政改改乜鬼呀，搵鬼做特首算啦！ 導演、編劇、設計: 胡恩威 音樂總監: 孔奕佳 演員: 陳浩峰、鍾家誠、伍嘉雯、楊永德 - 演出長約100分鐘，不設中場休息 - 廣東話演出 節目單張 http://issuu.com/zuni_icosahedron/docs/ewww11