歌手鄭敬基為下月的演唱會舉行記者會，請來好友錢嘉樂、黃寶欣、李婉華助陣，在台上齊齊用酒杯敲小鋼琴造勢。談到黃寶欣將會參與演唱會，鄭敬基說: 「佢結婚後都冇演出，本身都係用博吓嘅心情請佢，始終今次係個好好機會，想請返原唱者，我都同佢講，小朋友開始大去外國讀書就會好悶，睇吓今次會唔會搵返個興趣。」他又大讚黃寶欣唱歌與當年依舊一樣好。 講到當年電視劇《烈火雄心》的「南山三虎」都會演出，鄭敬基表示一直都有跟錢嘉樂聯絡，今次16年後能再次聚在一起表演亦多得錢嘉樂。至於《Home Alone》的鄭伊健和蔡濟文，鄭敬基說：「因為《古惑仔》個騷同我有啲近，好似話有個例太近唔得，睇吓佢用咩情況出現，亦都有位同火有關的導演朋友會嚟，今次係『尋人音樂會』嚟，我問伊健，佢話得但你搵唔到蔡濟文我冇理由嚟，到我搵到蔡濟文佢又話要問吓林珊珊先。」 另外，鄭敬基又透露有邀請曾志偉，因為今次回港志偉為他在電視劇《女人俱樂部》準備了個好角色，而與黃寶欣和李婉華猶如鐡三角的黎瑞恩，鄭敬基亦有邀請。問到緋聞女友DJ瑪姬，鄭敬基表示:「佢會做嘉賓，會一齊合唱。」(文字來源: on.cc東網)