很好彩趕得及今年年尾同大家一齊搞我地既第一次單車野餐＋ 露營日！活動將會於12月6＆7舉行。我地會以 base camp 既形式進行，先踩單車到營地，之後再係營地附近玩同探索。我地希望將單車與不同既元素一起玩，令大家多d發掘單車不同既可能。你踩單車唔需要好勁，最重要識的平衡通安全已經好夠。我地會悠悠閑閑咁係東涌侯王廟呢片小小既世外桃源玩返日，同埋最緊要識下新朋友。 當日簡介 一開始我地會先踩單車由迪士尼出發前往東涌的侯王廟，之後就會紮營。紮營之後大家可以和朋友 hea 坐野餐＋呼吸下新鮮空氣又或者參加我們精心為大家安排的 workshop。Workshop 之後我地會一齊 dinner ，然後就會有螢火會。大家可以選擇同朋友玩到天光又或者養足精神第二朝一齊起身煮早餐。 營地介紹 今次的營地係東涌侯王廟對出既草地，請大家准備少少香油，每人around $20 左右。 草地對出就係海，海上還有360纜車的吊索，以營地來說都算非常有特色：有山有水有古蹟。由於位處東涌這個偏遠地方，附近有好多不為人知但又幾有特色的地方。營地附近有廁所，夜晚12點前大家都唔使擔心。另外營地門口也有單車徑直達市中心那邊，如果要出去超市買任何東西踩單車也只是5分鐘左右。 活動重點 集合時間: 10am @迪士尼門口 Dress code: Causal，出街衫 | 頭盔自便 (借車的已包) | 戰鬥/比賽服裝不適用 費用: 兩日一夜: $390 (包括其中一個 workshop、晚餐、帳幕、早餐) 一日: $280 (包括 其中一個 workshop、晚餐) 4-8pm 到場 hea 坐: 免費 如需要借車另加 $100 (包括單車與頭盔) 參加 ukulele 班需自備，如需購買另加 $180 報名方法: 填妥表格 ( http://bikethemoment.com/bikecamp/ ) 截止報名: 11月26日 11:59pm