入行30年的吳國敬將於4月4及5日假紅館舉行人生首個作品展，「敬‧愛音樂吳國敬30載作品展音樂會」，雷頌德是音樂總監，多年老死張衛健做嘉賓又會做MC，而神秘天王天后嘉賓亦有一大堆，搶飛是時候。 　　 吳國敬將於4月在紅館舉行個唱，昨日他在記者會上即席向老闆要求加場，好讓他有錢買求婚鑽戒；另外他碌盡人情卡，邀請了鄭秀文(Sammi)、Big 4(許志安、張衛健、梁漢文、蘇永康)等擔任表演嘉賓。吳國敬昨日舉行演唱會記者會，同時宣佈以千萬身價加盟創富文化集團，與天堂鳥成為同門。 阿敬的演唱會將於4月4及5日在紅館舉行，他已邀請鄭秀文、Big 4、陳慧琳等擔任表演嘉賓，昨日更即場跟老闆提出加場，笑言加場就有錢買鑽戒向女友求婚，但太多人曾在紅館舞台求婚，故阿敬不會仿效了。問到會否請張衛健幫手度橋求婚？阿敬說:「我諗唔到方法先吹雞搵幫手吧，佢好多主意都係搞鬼！」阿敬強調，不會刻意安排鄭秀文和安仔合唱，只要他們到來支持已感開心。阿敬又透露，新公司已安排他與一隊組合明年世界巡迴演唱。 其實阿敬有別黃偉文及伍樂城等幕後人，自家經典金曲無數，作品展中可唱自己歌又可跟合作過的歌手Crossover，互動性大得多，最重要是阿敬創作集中包括蘇永康《越吻越傷心》、鄭秀文《親密關係》、許志安《真心真意》、陳慧琳《對你太在乎》及張學友《我應該》等不能盡錄，據知大部份唱過阿敬作品的歌手都會出席，Big Four成員亦會上台，得兩場，歌曲近百，唱唔晒是常識，加場應該走唔甩。(文字來源: 頭條日報) 公開發售座位表 (9/2/2015)