呢一個係非一般既嘉年華，佢地係一班學生哥，自從佢地五年前去過尼泊爾探訪過「未來之村」既村民後，就深深愛上呢一個地方。不過，係去年四月二十五日，尼泊爾就發生左七點八級大地震；好彩，當地村民無人命傷亡，不過佢地既屋就震爛晒。 佢地哩班學生哥就響啱啱既聖誕節返去「未來之村」探過啲村民，發現無當地政府既支援下，佢地完全唔能夠開始重建既工作。所以，佢地聯同「未來之村」(Future Village）同香港建築義工團體(IDEA Foundation)，膽粗粗攪左哩個「築。動未來斗智斗力慈善嘉年華」，希望多d人認識「未來之村」，籌募多啲資金比村民興建防震屋。 今次活動以尼泊爾 x 搖控車做主題，一定啱晒一家大細一齊玩。等我地簡單介紹下嘉年華有咩玩先！ 尼泊爾 x 搖控車比賽 有咩斗：置身尼泊爾山區內既搖控車比賽，聽落係咪覺得好刺激呢？一個繞圈計時賽，比你一嚐玩搖控車既滋味...當日比賽最高分數既朋友，會有大獎呀！一定令人樂而忘返。 防震屋知多少 有咩攪：透過自己DIY屋仔，佢地會話你知今次重建既防震屋原理，仲有哩次興建既防震屋點樣可以融合當地人既參與。你整既屋仔仲會放係搖控車既賽道入面，寓意我地每一個都有份幫「未來之村」既村民起防震屋！ 尼泊爾大變身 有咩試：你可以有機會穿上尼泊爾既服裝，了解佢地獨有既衣著文化，而且仲有得幫你影埋沙龍添，你話正唔正呢～ Namaste潮語課室 有咩學：著完尼泊爾衫，由地道尼泊爾人教番你幾句尼泊爾潮語。而且佢地仲有寄postcard服務，你可以親手寫postcard比「未來之村」既小朋友，遲d佢地就會直接拎去送比佢地，佢地仲會回番張postcard比你添呀！係咪好正呢～ 「未來之村」知多少 有咩睇：除左了解尼泊爾，仲會透過「未來之村」地震後既實況短片、直擊訪問「未來之村」兩位發起人，比你猶如親身到左當地了解「未來之村」既情況呀！ 尼國阿信屋 有咩食：玩到累就梗係搵個位坐下，品嚐尼泊爾地道及本地既小食及飲品。未食過尼泊爾小食既你唔好錯過呀！

---

捐款/報名小貼示： 1. 把善款存入匯豐銀行賬號並保留收據： 848-275293-001 (IDEA Foundation LTD) 2. 到http://goo.gl/forms/k1tXYUEbnh填上個人資料，上載入數紙，要求領取收據 3. 恭喜你！你已完成捐款/報名。 4. 請繼續轉發我地活動既page比你既朋友。https://www.facebook.com/bthbtf/ 築。動未來斗智斗力慈善嘉年華: https://www.facebook.com/bthbtf/ 未來之村(尼泊爾): https://www.facebook.com/future.village.nepal/ 香港建築義工團體: https://www.facebook.com/IDEA.Project.HK 有心人義工服務計劃: https://www.facebook.com/PeopleWithHeart/