荔枝角D2 Place商場，2月首星期將會聯同手作平台LOCOLOCO合作搞新意，打正旗號辦荔枝角年宵市集齊賀猴年！為左增添節日氣氛，佈置上特意加設桃花園、大紅花鼓、風車、繪馬等等，俾大家同親朋戚友影番張靚相。 另外、接近80個檔主會帶黎紅卜卜的手作飾、紅封包、衣服、毛公仔等手創物設計，由頭紅到落腳，貨品種類更突破盲腸，連自創潮語卡、飛行棋都有，連男仔都可以揾到野買架，實行男女老幼都可以買番件野過個好年！ 部分特式攤檔： 紙港情－抽水飛行棋 集合左蛇棋、大富翁、飛行棋嘅「香港飛行棋」， 卡牌仲加入左極具本土特色嘅功能卡，例如雙辣椒、搵食啫等等，抽水力十足。 仙妮手作－手工印章紅封包 依個賀年紅封包套裝， 齊備萌猴、桃花印章等元素，更可以刻埋姓氏，大家都可以輕鬆製造更特別更有心思嘅紅封包！ Pollinonsis－英國原塊礦石、珊瑚飾品 品牌名字解作花粉症，設計家希望將自己的設計理念散播開去。佢地選用英國的原塊礦石、珊瑚設計一系列飾品，呈現自然的天然美。 TammyTam95－可愛動物毛氈公仔 玩具狗、史立沙、英國短毛貓，就連狒狒、紅毛猩猩都可以以一雙巧手拮成，主人亦可試向設計師訂製自己寵物的公仔！ 關於LOCOLOCO 手作、藝術、創作平台， 致力推廣創意文化。 於銅鑼灣開設LOCOLOCO Concept Store，打造鬧市中的公共休憩空間。 舉辦市集、工作坊及與其他機構合辦各種文創活動。 FB: www.facebook.com/locoloco.hk IG: locoloco_hk , locoloco_store www.locoloco.com.hk