【這些機會是屬於同月同日生的】 九巴現誠尋同月同日(4月13日)生日嘅有緣人，特意送上一份生日驚喜賀禮，只要你係4月13日出生，並持有有效香港出生證書或香港身份證，聽日(星期六)上午10:00-下午4:00帶埋出生證明正本到尖沙咀文化中心露天廣場會場，亦可於3月31日或之前到九巴各顧客服務中心，即可登記獲贈特別訂製個人化巴士模型乙架，送畀你作為生日賀禮。 我哋將於3月5日上午10點至下午4點，喺尖沙咀文化中心露天廣場舉辦「九巴與你穿越今昔」活動，大家可近距離體驗經典及最新巴士，仲可以坐開蓬巴士遊走鬧市，同場仲有限定九巴精品發售，創意有獎遊戲送禮物，仲有連繫兩代巴士情嘅「耆」人潮服fashion show同互動劇場「九巴情懷話今昔」。節目豐富，費用全免。 聽到都知現場大把影相位，記得約埋friend子去影，再喺我哋IG hashtag‪#‎kmbhongkong‬ 又得，喺自己FB post相share畀大家睇亦得，得咗！3月5日尖沙咀文化中心露天廣場selfie啦！ 另外，4月13日係九巴成立83週年嘅大日子，今次「九巴與你穿越今昔」活動等我哋集體回憶過去，再帶出今日巴士服務最新發展，更為一系列九巴生日月嘅慶祝活動揭開序幕。