Where is my batman ? 《被消失的人》 王耀祖 第一個自導自演獨腳舞台劇 活著時 他忘了生命 忘記時 卻好好活著 故事講述一個被消失的賤男，當一覺醒來，發現被捉到一個不知明的地方，只有自己一個人。 在這個神秘世界，記憶逐漸被清洗，到底是什麼因素令他“被消失”？是政治？人為？是真實？是假象？還是...... 藉著一個既奇妙，荒誕同時又如此真實的一個情況，重新思考究竟人生中什麼是最重要，最怕失去的又會是什麼？ 點解會叫《被消失的人》？個戲係咪好政治性又或者同香港有關？ 祖：我唔會話個戲係好政治性，我會話係同我哋嘅世界有關，同生活好貼近。 要去成立自己嘅一個劇團，我諗完又諗，究竟有啲乜嘢係我最想分享，我知道愛、關係、正能量呢啲係我自己最相信的，亦都覺得喺香港嘅劇場作品，需要更加多空間去討論嘅，所以我就會向呢個方向創作，希望可以得到觀眾嘅共鳴。 今次嘅故事，係講一個人，即係我演出嘅角色，佢一覺瞓醒，發現自己喺一個唔知乜嘢嘅地方，得返一個人，就籍住一個咁奇妙、荒誕同時又咁真實嘅一個情況，重新思考究竟人生裏面乜嘢係最重要，而呢個問題其實我自己都諗緊。 英文名叫 Where is my batman？ 有咩特別意思？ 祖：其實今個作品是先有英文名之後才想到中文名的。當我和編劇郭翠怡兩個人在度故事的時候，我們討論到現在世界上發生的事情，例如在台灣地震的時候，如果那一棟樓要塌下之前，好像卡通片般，真的有一個super hero，他會飛出來，用手托住棟樓，讓所有人都可以安全離開，之後被救的人為他熱烈拍掌，咁係咪最美好呢？ 除此之外，在世界上發生的很多事情，也好像真的要有一個super hero才能解決。不過 Where is our batman？我哋嘅劇本創作亦都從這裡開始。 角色介紹 - 港式賤男 祖：今次嘅故事係講一個賤男。我哋揀咗一個好普通嘅普通人作為主角，佢嘅生活同我哋好多人一樣，一日復一日，有開心有唔開心，亦有醜陋嘅一面 。佢都好似好多人咁想繼續向上行，做咗一啲有人認為係違背良心嘅事，其實係佢心目中，佢只係想生存。其實係呢個香港大把咁嘅人，不過唔同嘅係，佢得到個好古怪同好獨有嘅病，係呢個時候，佢決定要重新去睇返佢嘅一生人，如果佢仲可以有得揀，佢又可以做啲咩呢？ 我覺得自己本人係唔賤格嘅，所以今次演出可以飾演一個賤男我覺得好正好好玩

---

王耀祖，集舞台劇演員，電台主持，司儀，戲劇教育工作者於一身的跨媒體藝術工作者。 曾四度獲提名香港舞台劇奬最佳男配角，並憑《雪后》及《夜鷹姊魅》兩度奪獎。2012年獲頒《香港藝術發展奬．藝術新秀奬(戲劇)》。 今年演出作品包括：《順風送水》，《夜鷹姊魅》(重演)。 因為愛．創作，因為愛．分享，成立love production，希望製作更多有關於愛及分享的作品。 Facebook page: 王耀祖 Joe Wong 主辦：love production 合辦：香港話劇團 導演/演出：王耀祖 編劇/聯合導演：郭翠怡 監製：陳慧心 執行監製：陳海茵 製作經理：孔稜斯 燈光設計：蕭健邦 音響設計：陳沛熙 執行舞台監督：李藍施 宣傳及票務：心創作劇場 宣傳創意：盧榮@OHLO creative 海報設計：Wingo Law 海報攝影：Hing Kwok@AHHA 攝影助理：Chow Lok@AHHA 海報化妝：Vic Lau@BEAU

---

宣傳伙伴 http://timable.com/page/chasing.culture