暑假流流長，識行緊係黎有野買又有野玩嘅LOCOLOCO市集啦！ 今次我地又有全新嘗試！除左有兩層市集可以行到爽之外，仲會準備各種遊戲攤位同競技遊戲，例如勁射九宮格、大型吹氣射鏢、巨人層層疊等等，記得帶埋心儀對象黎贏人咁高嘅公仔俾佢啦！ 話明全新嘗試，當然希望帶俾大家一個市集新體驗！今次市集選址喺觀塘The Wave，希望話俾大家知香港仲有好多新場地係可以做到市集，唔洗行黎行去都係果幾個地方，行得多都悶啦係咪先！The Wave佈置新潮，過黎剩係影相自拍都可能會影到手軟！ 今次市集得到「銀傳」特別贊助，佢地將會為大家帶黎全新市集購物體驗，將電話變成大家嘅流動錢包，可以即時付款，唔洗找落一堆重到爆嘅散紙，現場充值仲會有神秘優惠添！ 最後，市集最重要當然係各個特式品牌小店！兩層共精選超過七十個小店，唔少仲係市集新面孔！想行一個好玩又新潮嘅市集，記得過黎啦！