今年十月至十一月，動漫基地會用「急急如律令」，舉辦一連串節目，召喚一眾嘩鬼同大家「驚」住過萬聖節！八位香港漫畫家會於這棟經活化的二級歷史建築不同角落，設計鬼怪角色，等訪客遊走動漫基地，將猛鬼逐隻捉！動漫沙龍亦會有主題書目展示《鬼，全部都係鬼！》，搜羅世界各地的靈異漫畫，嚇到您個心都離一離！「灣仔畫鬼腳」由漫畫家Adam Pun帶大家遊灣仔，一邊聽歷史同鬼故事，一邊畫「鬼」！仲有街頭音樂表演、拉糖表演……仲唔快啲開壇作法，一齊召喚嘩鬼？出事㗎嘛！ 灣仔以前有殯儀館，仲有猛鬼戲院？今個萬聖節，就等我地跟住漫畫家Adam Pun一齊遊灣仔，一邊發掘歷史建築同鬼故事，一邊將鬼畫落嚟！ 集合地點：動漫基地地下大堂 路線：動漫基地 > 舊灣仔街市 > 舊灣仔郵局 > 修頓球場 > 東城大廈 > 集成中心 > 動漫基地 備註：參加者須步行至各景點。大會將提供畫簿及畫具。 參與漫畫家：Adam PUN 人數：15人 語言：廣東話 需要網上登記，先到先得: http://www.chbonlineregistration.com/event.php?lang=MQ==&en=MjMz 漫畫家簡介 潘子匡，現職平面設計。動漫基地漫畫大師班一期生。2014年漫畫研習營優勝組別成員。2016年分別贏得動漫節新星大賽繪本組亞軍及Hero野士漫畫大賞冠軍。在繪畫上嘗試脫離慣性使用的鋼筆，在畫風上亦刻意挑戰自己，尋找少年畫風之外的其他方向。