新一年C3 展又來啦！每年C3都會為動漫迷帶來驚喜，今年亦都唔例外！

---

C3發佈會早前喺The ONE商場舉行，透露咗多個有關本屆參展商陣容及主舞台表演節目嘅最新消息。參展商方面，首次參展嘅有ACG Fans非常熟悉嘅影片分享平台「bilibili」；提供cosplay攝影必需商品嘅「Canon」；仲有日本著名模型製造商「KAIYODO」；當然更加唔少得大家都非常熟悉嘅強勁參展商陣容，例如Bandai, Namco, Toei, Sega等，為C3注入更多全新內容!

---

至於舞台表演方面, 發佈會上再帶來兩個令眾動漫迷興奮嘅舞台表演。包括 2月11日由和樂器樂團主唱鈴華優子演出嘅「Yuko Suzuhana SPECIAL LIVE in C3 Hong Kong」，同日更有「Accel World VS Sword Art Online" Special Live in C3 HongKong」，請嚟重量級嘉賓演唱好受大家歡迎嘅《加速世界》同《刀劍神域》（SAO）動漫歌曲! 主舞台表演日期及嘉賓: 10 / 2 - THE IDOLM@STER 765 MILLIONSTARS : 中村繪里子、仁後真耶子、田所梓、伊藤美來、渡部優衣 - Azusa Tadokoro LIVE : 田所あずさ（田所梓） - nano SPECIAL LIVE : nano - SKE48 11 / 2 - Chain Chronicle Special Stage : 柳田淳一、高木友梨香、nano -《傳奇系列》魅力聲優 : 小西克幸、小野坂昌也 - 和樂器樂團主唱: 鈴華優子 12 / 2 - 機動戰士高達：鐵血的孤兒》人氣聲優 : 金元壽子、村田太志 - ULTRAHEROES & KAIJU GIRLS SPECIAL LIVE in HONG KONG 2017: ULTRAHEROES、飯田里穗、遠藤ゆりか（遠藤祐里香） - Riho Iida Special Stage in HONG KONG 2017 : 飯田里穗 至於呢個舞台會有邊位神秘嘉賓？大家記住留意官網，更新嘅節目詳情將會陸續公佈! 另外，想入主舞台睇表演的動漫迷請注意，今年主舞台表演門券繼續免費入場，請於1月18日開始，按下列時間於官方網站登記即可！請留意，不同日期的表演，入場券的登記日期亦有分別；節目演出日期，請參閱官網“節目詳情”內的“大會舞台時間表”。 主舞台門券數量有限，額滿即止。

---

隨住一年一度嘅“C3日本動玩博覽2017”降臨；專為11歲以下小朋友而設嘅“兒童繪畫大募集” 將繼續舉行，等小畫家有發揮藝術天份嘅機會。今年設有金獎一名及銀獎兩名，得獎者分別可獲得價值港幣2,000元及1,000元之玩具反斗城禮券；此外所有入圍嘅參加者都可獲贈精美紀念品乙份及獎狀；更可獲入場門券乙張，家長可以陪同小朋友一齊免費入場，欣賞喺“C3日本動玩博覽2017” 場內展出嘅入圍作品。 仲唔快啲鼓勵你身邊嘅小朋友拎起畫筆，畫出佢哋心目中“我最喜愛的動漫角色*”？1月26日就截止報名架喇! 參加詳情請即瀏覽官網 *任何國家的動畫、漫畫及電玩遊戲中的角色