CWS城市挑戰賽今年3月返來啦！ 呢個比賽係以團體形式進行，參加者需要組成2-5人嘅隊伍，喺3小時內穿梭8公里嘅賽道，當中有30個checkpoints，每個checkpoint都有不同任務，例如影相、做動作，甚至考你知識，團隊需要係checkpoint中盡力爭取分數，最高分的隊伍就獲勝，不過唔一定要玩晒全部checkpoints或跑哂全程，亦無需鬥快，真係一個鬥智鬥力嘅挑戰賽。 除此之外，比賽亦設最佳服飾獎，邊隊著得夠搶眼就有機會拎獎！ （小T : 如果有隊「無臉人隊」唔知會唔會嚇親其他參賽者呢？） 是次挑戰賽嘅收益將籌集成教育經費，幫助尼泊爾及香港有需要的兒童，又可以玩又可以做善事，何樂而不為？ 賽事分三個組別，包括：公司、普通及學生/家庭團隊，由即日起去到2月28日報名都係$250，3月1至7日就要$300，仲唔趁呢幾日夾人報名！