雖然奧斯卡金像獎就剛剛過咗，但係香港青少年發展聯會嘅“Your Choice”納米電影創作比賽頒獎典禮就即將舉行喇！我哋嘅頒獎典禮都會以奧斯卡形式舉行，一眾獲提名隊伍將會行紅地毯，踏上文化中心嘅頒獎台。 “Your Choice”納米電影創作比賽經過一輪專業評審及網上公眾投票，選出「最佳納米電影」、「最佳編劇」、「最佳攝影」、「最佳剪接」嘅最後五強及「網上我最喜愛納米電影」。所有獎項結果將於頒獎典禮上公佈，到時更會播放各入圍作品。頒獎禮當日亦標誌著巡迴展覽及分享會嘅啟動，更設有嘉賓表演，因此我哋誠邀各位出席，一齊欣賞電影及分享各隊伍嘅喜悅同成果。 想先睹為快？可以去以下網址欣賞各獎項入圍作品： http://www.youtube.com/playlist?list=PLq1dFIWlP3J4rX6hxJImEJogRnfZ9Oll2 如有興趣出席頒獎禮，請致電索取門票，以便安排座位。