炎炎夏日無嘢好做？今個夏日，樂・活馬灣有一個俾大家放空享受大自然同陽光嘅機會，一齊好好計劃屬於自己嘅暑假。 我哋將會喺7月15日舉辦「樂・活馬灣夏日市集－編織暑假」。話明係編織，就梗係唔少得手繩工作坊啦，仲有挑戰大家藝術細胞嘅以物換物環節，同埋適合一家大小嘅歷奇體驗工作坊。除此之外，仲有創意市集攤位，售賣唔同嘅手工藝品同藝術品，保證大家樂而忘返！ 仲唔快啲約埋親朋好友過嚟馬灣，等我哋同各位編織屬於你哋嘅暑假啦！ 1. 編織手繩工作坊 有衝動買手繩但係一直搵唔到最適合自己嘅手繩？唔洗怕！我地嘅工作人員會教大家一齊織手繩！咁大家就唔單止可以整到自己鍾意，獨一無二嘅手繩，仲可以學多一門技能添！對象：任何人士（5歲或以下之小童，需要家長陪同參與。） 費用：$10／條 2. 兒童遊戲託管 小朋友總係精力旺盛，喺呢度，你可以放心交託你嘅小朋友比我地教練，教佢一啲基礎嘅繩結，提升佢嘅生活技巧。對象：小朋友（12歲以下） 費用：全免 3. 動力蝴蝶工作坊 小小機關化為大大力量！我們的導師會教授大家手製作一隻隻栩栩如生的蝴蝶！ 對象 ： 任何人士 費用 ： 全免 4. 繡曲線換物 你想挑戰自己嘅藝術觸覺嗎？今次馬灣市集希望收集大家嘅繡曲線創作，用簡單嘅線同交點編織複雜而美觀嘅圖形。透過同你嘅作品合照，同分享你嘅作品，即可換取精美小禮物一份。 對象：任何人士（5歲或以下之小童，需要家長陪同參與。） 費用：全免 工作坊報名：http://goo.gl/forms/nuoldTfMwPVlIyB03 **報名名額有限，如欲報名請從速。 工作坊報名截止時間為7/7晚上7時正。成功報名者，將於2017年7月10日或之前收到通知，如未能收到「成功報名」通知則當作落選論。