呢次活動由一班一直關心社區動物嘅坪洲街坊、城鄉動物隊及 Catnum Photos (貓格蘭攝影社) 合辦。 主辦單位深入坪洲社區同街坊互動，希望透過傾謁、訪問、拍攝及問卷調查，去了解和記錄坪洲人與動物嘅關係。而收集到嘅資訊會於展覽中以相片、錄像和圖畫等等展示，希望可以建立一個平台比街坊去認識島上嘅動物，而且亦會為街坊提供關於照顧動物和社區動物絕育嘅資訊。 除了相展以外，活動亦包括遊戲工作坊，希望大人細路都可以一齊參與認識社區動物。另外，亦會放映台灣電影《十二夜》，映後會邀請前線動物義工和街坊分享感受和交流。