LOCOLOCO今年萬聖節又返到D2 Place喇！今次市集將會玩轉一期同二期，除咗包括過百檔本地小店比大家買到夠之外，亦都有大量「應節」佈置、特式道具，例如萬聖節戲服等，俾大家用嚟影相打卡！今次亦都準備咗豐富嘅活動內容，無論小朋友到老年人都非常適合一家大細或同朋友情侶嚟玩！ 過百攤位　特色產品 話明玩轉一期同埋二期，咁就當然會多野睇啦！今次市集單單係特色攤檔加埋就已經過百檔，除咗店主們精心設計嘅手作作品外，更加會有唔同嘅萬聖節主題產品，例如「Venus Art」設計一系列萬聖節圖案噴繪紋身等等。另外，亦感謝「EM!E 輕奢飾品手作工作坊」店主贊助送出10個萬聖節主題耳飾，以及由「LAZY DUO」贊助送出10個嘩鬼回魂Chucky 或 Pumpkin 紋身貼紙，只要去齊兩邊市集儲印仔再喺市集有任何消費就可以獲得，名額先到先得，送完就冇㗎喇！ 好玩滿FUN 萬聖節工作坊 嚟行LOCOLOCO市集，除咗可以當行街買野之外，就當然唔止咁少野啦！因為今次我哋市集仲有啱晒男女老幼玩嘅工作坊！例如有「扮鬼扮馬拍攝工作坊」，只要嚟市集玩嘅朋友，讚好LOCOLOCO Facebook專頁即可，就可以借到一套萬聖節服裝喺現場拍攝，識玩就緊係去我哋佈景板前影相打卡！另外，現場仲會有「萬聖節布袋印章工作坊」，又係去齊D2 Place一期及二期市集，集齊兩個印章，再喺市集內有消費，就會得到一個布袋，大家可以用萬聖節印章喺布袋上面發揮創意，不過布袋數量有限，送完即止，所以記得早啲到！ 氣球糖果 現場大放送 為咗大家可以喺萬聖節可以過得開開心心，只要客人今次嚟到市集現場，並讚好LOCOLOCO Facebook專頁，就可以得到活動特色氣球或者應節糖果！另外，如果大家行到攰，亦都可以去買應節血漿爆谷食吓補充體力。講咗咁多，今次市集加加埋埋嘅活動咁豐富，你又點可以錯過呢？到時見！