好快就到農曆新年，拜年唔想只得麻雀同魚蝦蟹玩，不如去呢個星期六嚟青衣海濱公園參加由葵青區青年活動委員會舉辦嘅「樂‧活@葵青」社區分享會，活動內容超正超豐富!!! 當日有6個文青手作攤檔發揮青年創意，免費之餘仲有製成品拎走，學咗之後今年新年仲可以破格地同親戚朋友玩DIY 創作。 同場仲有由葵青區青年人自行創作的「生活在葵青」裝置藝術展覽，當日成個下午仲有青年樂隊同表演舞台， 仲可以俾你點唱俾你的最愛，節目咁豐富，約定你2月10日青衣海濱公園（青衣城對出）見。