「綠在元朗」原來就黎一歲生日啦! 我地3月24號就會係會址綠在元朗 (天華路65號)舉辦「綠．續．生日派對x市集」，慶祝活動與眾同樂，個日我地仲有好多活動! 包括環保工作坊、 換物派對、環保物料派發、環保攤檔擺賣，有埋你參與，到時實會好熱鬧！活動詳情如下: 環保工作坊 1. (11:30-12:30) 自己玩具自己做 (喵喵版) 利用紙箱麻繩製作貓抓板，既環保又安全 2. (13:00-13:30)　蜂蠟保鮮膜　 (已滿額)＊ 利用舊布加蜂蠟製作保鮮膜代替即棄保鮮紙/塑膠袋 請自備舊布一塊 3. (14:00-15:00)　自己玩具自己做 (汪汪版)　??(只剩下少量名額)　 利用舊衣/牛仔褲製作玩具 請自備牛仔褲/舊衣一條 4. (15:30-16:30)　玻璃樽彩繪　??(已滿額)＊ 利用回收玻璃樽作彩繪，製成獨一無二的容器 請自備約250ml醬料玻璃瓶一瓶 報名方法: 1. 致電 2617 0117 (綠在元朗辦公室) 2. Whatsapp 至 9511 0787 3. Facebook inbox 至綠在元朗專頁 4. 親身到綠在元朗報名 5. 填寫網上表格: https://goo.gl/forms/SMYBUjIChzp1mKGV2 是次活動費用全免 ，但需要預先報名 名額得15個咋，快啲報名啦~ ＊如想參加指定工作坊但滿額，我們可以加你去等候名單(Waiting List)，如果有參加者退出，便會通知閣下並補上閣下位置。 市集 1. 換物共享派對 入場時，你只要帶一樣可新淨、重用的物品，就可以選取5件攤位衣物及玩具 2. 市集 : 愛心有機蔬菜 本地有機農夫會到場擺賣佢地種植的蔬菜, 你可以買到好新鮮又有機蔬菜 3. 環保酵素/天然香草派發 只要以5KG可回收玻璃樽/3KG塑膠樽可換取一支750ML酵素或者天然香草 (派完即止) 4. 天然生活產品 匡智會學員銷售天然手工皂、其他親手製作的環保產品 5. 回收分類小遊戲 簡單的日常回收八寶及三紙兩膠分類小遊戲 入場係免費架，快d mark實日子，約埋一家大細，三五知己一齊黎呀！希望到時可以見到大家啦！