「#Art手市集」宗旨在推動本地原創手作，協助更多手作人發展自己品牌。 作為手作人及攪手的我有一個古怪要求，就是在「Art 手市集」擺檔，必須要乎合80%以原材料製作的原創自家手作品，如入貨或只購入現成物料拼合的，都不合乎我的古怪要求。 所以「Art 手市集」嘅檔主都係一班對手作充滿熱誠及用心製作嘅人。而顧名思義「Art 手市集」更希望鼓勵各位愛好手作者，能透過參與/參觀市集認識更多同道中人，所以大家嚟到記得同各位手作人握吓手、傾吓計，藉著交流認識更多朋友，一起推動手作文化。