要數Hidden Agenda livehouse有史以來最熱，吖唔係，係其中一場最具爆炸性嘅演出，必屬2011年Emmure嗰一場。 據當晚身歷其境嘅工作人員講返，喺嗰個同平地只差一小級嘅舞台上，Bass手躍起飛撞人群嘅場面真係有今生無來世。仲要撞正壞冷氣，係名副其實地大汗疊細汗。 係乜嘢驅使觀眾無懼熱衰歇都要跳足成場？就梗係Emmure怪物級嘅壓台能力啦。2003年出道嘅佢地，食住Nu-metal嘅尾水同Metalcore興起之勢，用clean vocal、rapping、不協和和弦同多到惡名昭彰嘅breakdown等元素，創造咗別樹一幟嘅聲音，成功同As Blood Runs Black、Miss May I、Suicide Silence呢班00s metal生力軍齊名。 依小編嘅理解，Emmure冒起得咁快，好大程度因為佢地都係痴線佬。樂隊成員因理念不同而退出，大家或者聽得多啦。但主音Frankie Palmeri竟然㨂喺樂隊如日中天嘅時候，因為唔滿意鼓手喺fan page出嘅一個post而炒佢，而且Frankie曾經同日本AV女優HITOMI有一段不顧世俗嘅異地戀，咁你就明佢地台上咁raw嘅力量點嚟啦。 今次佢地香港嘅演出，請嚟久未露面嘅Protoss神族幫手開場，26/3 要見到你地用汗水浸勻TTN嘅地板哦～ 樂隊Bands: Emmure (US)、Protoss神族（Opening Act）