以甜品為主題的 Fun Run 多年前已在日本及台灣流行，漸漸成為甜品界的年度盛事。今年，集賞味、療癒、繽紛、創意為主題的《Desserts Run 2019》10月首度在香港登場。活動結合甜品和跑步，參加者每跑一段距離，便可品嚐 30 多款中、西、日式甜點，更可以延續甜蜜正能量的精神，為保信慈善基金及香港傷健共融網絡籌款，透過雙腳展現愛心。 ​ 此外，活動更聯盟台灣「Sweets Run 甜蜜路跑」，合力製造不同驚喜給跑手。 甜品界盛事《Desserts Run 2019》唔單只好食好玩，仲有豐富嘅紀念品送畀參加者，非常超值！除咗基本嘅甜蜜紀念跑Tee、造型別致嘅號碼布、行李牌外，仲有環保摺疊杯，完成賽事後參加者會有完成奬牌、電子版證書、同非常精美嘅毛巾。