HOTMUSIC終於要收檔結束啦 ! 賣結他/教結他雖然充滿樂趣，同各位吹水亦相當過癮，但我地實在敵唔過地政署持續既壓迫，而業主亦下令要我地10日之內將間鋪交返出黎，如果唔係就法庭見。 所以惟有希望大家幫下手，係呢10日黎幫襯下，因為賣唔晒我都係直接拎去掉。我地有成全新結他500支、過千件以上既配件，所以我保證散貨價一定低過成本價 (平過買2手/淘寶)，大家唔好同我客氣哈哈哈哈，反正呢排大家都唔係咁開心，黎我度，執幾件平野返去開心下! UKULELE $40蚊一支/ $100三支 結他 $80 一支 調音器 CAPO 不論型號 一律10蚊 薄結他袋 1蚊1個 仲有好多好多，34吋到41吋木結他、電結他、小結他、音箱、配件都有，求其買返去墊煲都抵呀 (圖片我會盡量呢兩日更新晒) 9月15日係最後一日，所以大家要買就快手喇! 出晒力投訴我既行家，你都黎入貨啦 ! 再見亦是朋友呀。 希望大家可以share 下，留下言，等多D人可以睇到呢個慘絕人寰既優惠啦哈哈哈哈 ，多謝各位!